Արաբական Միացյալ Էմիրությունները կդառնա առաջին երկիրը Պարսից ծոցում, որը արտասահմանցիներին թույլ կտա քաղաքացիություն ստանալ: Այս մասին գրում է պետական WAM լրատվական գործակալությունը:
Քաղաքացիության կարող են հավակնել ներդրողները, բժիշկները, գյուտարարները, գիտնականները, մտավորականները, արվեստի գործիչները և նրանց ընտանիքների անդամները: Հայտերը կուսումնասիրեն կառավարությունն ու գործադիր իշխանության տեղական մարմինները:
«Նոր որոշումը ուղղված է տաղանդավոր մարդկանց ներգրավմանը, որոնք կնպաստեն մեր զարգացմանը»,- մեջբերվում է ԱՄԷ-ի վարչապետի՝ Շեյխ Մուհամեդ իբն Ռաշիդ Ալ Մաքթումի խոսքերը:
Մասնագիտությունների համար պահանջները տարբեր են, բայց, որպես ընդհանուր կանոն, թեկնածուն պետք է ունենա առնվազն 10 տարվա փորձ և ԱՄԷ հեղինակավոր գործիչների երաշխավորագիր:
Աղբյուր՝ 1in.am