Մեծ Բրիտանիայի արքայազն Հարին Netflix-ի Rising Phoenix (Վերածնվող Փյունիկ) անվանումով նոր վավերագրական ֆիլմում է նկարահանվել, որը եթեր է հեռարձակվելու օգոստոսի 26-ին։ Այն Պարաօլիմպիկ խաղերի մասնակիցների մասին է, որի թրեյլերը հայտնվել է Netflix-ի յութուբյան ալիքում։
Հարին ֆիլմում է հայտնվում որպես ռազմական գոտիներում վիրավորում ստացած և հաշմանդամ դարձած զինվորականների համար մրցումների՝ «Անհաղթների խաղեր»-ի (Invictus Games) հիմնադիր։
«Այս աշխարհում սպորտից բացի չկա որևէ այլ բան, որը կարող է ձեզ խավարից այդպես դուրս քաշել»,- ֆիլմում ասում է Հարին։
Կինոնկարը շարժման պատմություն է ներկայացնում, որը կոչված է հաշմանդամության, տարբեր լինելու և մարդկային ներուժի մասին աշխարհընկալումներ փոխել, ասվում է ֆիլմի բնութագրում:
Նյութի աղբյուրը՝ tert.am