ԱՄՆ Պետքարտուղար Մայք Պոմպեոն հայտարարել է, որ դիտարկում են Մինսկի նկատմամբ պատժամիջոցներ կիրառելու հնարավորությունը:
Չեխիայում պատասխանելով լրագրողների հարցերին՝ Պոմպեոն ասել է, որ նրանք անհանգստացած են Բելառուսում տեղի ունեցած նախագահական ընտրություններով և խորապես հիասթափված են, որ դրանք չեն եղել ավելի ազատ և արդար:
Պոմպեոն նշել է, որ ԱՄՆ-ն աշխատելու է եվրոպական գործընկերների հետ՝ համապատասխան արձագանք մշակելու ուղղությամբ և չի բացառել նաև Բելառուսի նկատմամբ պատժամիջոցների կիրառման հավանականությունը՝ ինչպես երկկողմ, այնպես էլ բազմակողմ մակարդակներով: