Լեհաստանի Գերագույն դատարանը օգոստոսի 3-ին օրինական է ճանաչել հուլիսյան նախագահական ընտրությունները, որ վիճարկվել էին ընդդիմության ներկայացուցիչների և նրանց աջակիցների կողմից։
Ընդդիմությունը բարձրաձայնում էր բազմաթիվ ընտրախախտումների, կորոնավիրուսի պայմաններում քվեարկություն անցկացնելու ապօրինության, արտերկրից քվեարկությանը մասնակցելու դժվարությունների և այլ խնդիրների մասին։
Գերագույն դատարանի որոշումից հետո ընդդիմադիր գործիչներն ակնկալելի էին համարել նման որոշումը, քանի որ, ըստ նրանց՝ Լեհաստանի դատական համակարգը գտնվում է երկրի իշխող կուսակցության ազդեցության ներքո և սպասարկում է նրանց շահերը։