Ամերիկաբնակ իրաքցի հայտնի հետազոտող Հուշամ ալ-Հաշիմիի սպանությունը Բաղդադում բավականին մեծ աղմուկ է բարձրացրել ինչպես Մերձավոր Արևելքում, այնպես էլ դրա սահմաններից դուրս: Հաշիմին տարածաշրջանում բավականին հայտնի և առաջատար փորձագետ էր, ով հետազոտություններ էր իրականացնում իսլամիստական ծայրահեղական խմբավորումների վերաբերյալ: Հետազոտողի ընկերներից մեկի պնդմամբ՝ սպանությունից մի քանի շաբաթ առաջ վերջինս խորհուրդ էր հարցրել ընկերոջից Հեզբոլլահի վերաբերյալ ենթադրաբար ստացված տեղեկատվության վերաբերյալ:
Կապված տեղի ունեցածի հետ՝ հետազոտողի ընկերները կարծում են, որ սպանությունը կազմակերպվել է շիա զինյալների կողմից, ինչը կարող է հուշել Իրանի ազդեցության տարածման մասին ինչպես տարածաշրջանում, այնպես էլ հենց Իրաքում:
Կարելի է կարծել, որ Միացյալ Նահանգները այս հարցում ևս մեղադրում է Հեզբոլլահին:Հեզբոլլահը ԱՄՆ կողմից պաշտոնապես ճանաչվել է որպես ահաբեկչական խմբավորում, որի հիմնական պատճառը ամերիկյան կողմը սահմանում է Իրաքում տեղակայված ամերիկյան ռազմաբազաների վրա կատարված զինված հարձակումներումներում ներգրավվածությունը:
Հաշիմին ամերիկյան «Գլոբալ քաղաքականության կենտրոնի (CGP)» և Բաղդադում գործող «Իրաքի խորհրդատվական խորհրդի (IAC)» անդամ էր, ում աշխատանքները և հետազոտությունները մեծապես կենտրոնացած էին այնպիսի ջիհադական խմբավորումների վրա,ինչպիսին է «Իսլամական պետությունը»: Սրանից բացի նա իր հետազոտություններով մեղադրում էր Իրանի կողմից հովանավորվող զինված խմբավորումներին,որոնք վտանգ են հասցնում իրաքյան օրենսդրությանը և սպանում կոռուպցիայի դեմ պայքարողներին:
ԱՄՆ-ը հայտնում է նաև, որ Հաշիմին վերջին օրերին բազմաթիվ սպառնալիքներ էր ստացել իրանամետ զինյալներից:
Հատկանշական է, որ ինչպես պաշտոնակաան Իրանը, այնպես էլ Հեզբոլլահը ևս դատապարտում են ականավոր հետազոտողի սպանությունը:Հեզբոլլահը իր հերթին իրեն վերագրվող սպանությանը առնչվող մեղադրանքները համարում է որպես զրպարտություն և ԱՄՆ քարոզչություն:
Նյութի աղբյուրը՝ www.voanews.com