Բելառուսի նախագահ Ալեքսանդր Լուկաշենկոն «Ռոսիա 1» հեռուստաալիքի «Գործող անձինք Նաիլա Ասկեր-զադեի հետ» հաղորդմանը տված հարցազրույցում խոստովանել է, որ կորոնավիրուսով հիվանդացել է որդու՝ Նիկոլայի և իրեն բուժող բժշկի հետ միաժամանակ:
Լուկաշենկոյի խոսքով, հիվանդության հետևանքները «ծանր են եղել», նրա ինքնազգացողությունը վատ է եղել 2020թ.-ի օգոստոսի 4-ին ժողովրդին ուղղված ուղերձի ժամանակ:
Լուկաշենկոյի կրտսեր որդին՝ Նիկոլայը, իր հերթին պարզաբանել է, որ հոր հետ միասին կորոնավիրուսով հիվանդացել են 2020թ.-ի հունիսին: Ընդ որում, Նիկոլայը հորն անվանել է «շատ վատ, պարզապես զզվելի հիվանդ»: Ըստ Նիկոլայի, հայրը չի կատարել բժիշկների ցուցումները և հրաժարվել է ցանկացած տեսակի բուժումից:
Նիկոլայը հավելել է, որ որքան շատ են հորը պնդել ինչ-որ բան անելու անհրաժեշտության մասին, որքան շատ փաստեր և կոնկրետ օրինակներ են բերել, այնքան ավելի կտրուկ է եղել բուժման մեթոդներից հրաժարվելու նրա արձագանքը:
«Իսկ միթե նախագահները կարո՞ղ են հնազանդ լինել»,- հարց է տվել Նիկոլայ Լուկաշենկոն: