Հայաստանի ֆուտբոլի ազգային թիմի ավագ Հենրիխ Մխիթարյանը ճանաչվել է Եվրոպայի լիգայի «Ռոմա»-«Կլուժ» խաղի լավագույն ֆուտբոլիստ:
Իտալական ակումբի Թվիթերում անցկացված քվեարկության արդյունքում Մխիթարյանը հաղթող է ճանաչվել:
Հիշեցնենք, որ խաղի հաշիվը հանդիպման արդեն առաջին րոպեին գլխի հարվածով բացեց Հայաստանի հավաքականի կիսապաշտպան Հենրիխ Մխիթարյանը: Սա Մխիթարյանի առաջին գոլն էր ընթացիկ մրցաշրջանում:
Առաջին կեսի ընթացքում «գայլերին» հաջողվեց ևս երկու անգամ գրավել մրցակցի դարպասը: Ի վերջո, Պաուլո Ֆոնսեկայի սաներին հաջողվեց 5:0 հաշվով պարտության մատնել «Կլուժին» և միանձնյա գլխավորել A խումբը:
Եվրոպայի լիգայի շրջանակներում «Ռոման» հաջորդ հանդիպումը կանցկացնի նոյեմբերի 27-ին:
Նյութի աղբյուրը ՝ armtimes.com