Լիտվայի արտաքին գործերի նախարար Գաբրիելյուս Լանդսբերգիսը Հայոց ցեղասպանության հուշահամալիրում հարգանքի տուրք է մատուցել ցեղասպանության Սուրբ նահատակների հիշատակին:
Այս մասին հայտնում է ՀՀ արտաքին գործերի նախարարության «Ֆեյսբուքի» պաշտոնական էջը:
«Մեկնարկել է Լիտվայի ԱԳ նախարար Գաբրիելյուս Լանդսբերգիսի պաշտոնական այցը Հայաստանում: Նախարար Լանդսբերգիսի գլխավորած պատվիրակությունն այցելեց Հայոց ցեղասպանության հուշահամալիր և հարգանքի տուրք մատուցեց Սուրբ նահատակների հիշատակին»,- ասված է գրառման մեջ:
Երևանում տեղի ունեցել ՀՀ արտաքին գործերի նախարար Արա Այվազյանի և Լիտվայի ԱԳ նախարար Գաբրիելյուս Լանդսբերգիսի առանձնազրույցը: Սպասվում է նաև երկու նախարարների համատեղ մամուլի ասուլիսը:
