Հուլիսի 20-ին Վրաստանի արտգործնախարարությունը ապատեղեկատվություն և հանրությանը մոլորեցնելու փորձ է որակել ադրբեջանական լրատվամիջոցներում շրջանառվող լուրն այն մասին, թե Սերբիայից Վրաստանի տարածքով Հայաստանին ականանետեր են մատակարարվել։ Ապատեղեկատվությունը տարածել էր ադրբեջանական «Հագգին» լրատվակայքը։
Այս մասին տեղեկություններ է հայտնում վրացական Interpressnews լրատվակայքը։ Վրաստանի ԱԳՆ-ն շեշտում է, որ տվյալ հոդվածը կողմնակալ բնույթ ունի և միտված է երկու երկրների միջև արհեստականորեն խնդիրներ ստեղծելուն։
Նշենք, որ Հայաստանի հետ Սերբիայի հնարավոր ռազմական համագործակցության հետ կապված այսօր Ադրբեջանի ԱԳՆ է հրավիրվել Բաքվում Սերբիայի դեսպանը։
Նյութի աղբյուր՝ razm.info