Հայտնի դիմահարդար Գոհար Ավետիսյանի ինստրագամյան էջից տեղեկանում ենք, որ նա 2 տոննա հայկական ծիրան ու դեղձ է գնել հայկական բեռնատարներից։ Նախաձեռնության միացել է նաև հայ առաքելական եկեղեցին։ Այսօր՝ առավոտյան ժամը 10:00-ից, Օլիմպիական պողոտայում՝ հայկական եկեղեցում մոտ, նախաձեռնության կազմակերպիչները անվճար դեղձ և ծիրան են բաժանում։
«Մեզ միացավ հայկական եկեղեցին. ընդհանուր առմամբ 8,5 տոննա թարմ մրգեր ենք գնել, որը վաղը անվճար կբաժանենք բոլորին Օլիմպիական պողոտայում գտնվող հայկական եկեղեցում։ Մեր ուժը միասնության մեջ է։ Վաղը նաև Վարդավառի տոնն է, այնպես որ, անպայման եկեք և ձեր տուն տարեք մեր բարության և սիրո մի մասը, պատրաստեք համեղ կոմպոտներ և մուրաբաներ, ինչպես նաև երեխաներին հյուրասիրեք թարմ մրգերով»,–գրել է Գոհարը։
Հիշեցնենք նաև, որ ավելի վաղ հայկական ապրանքներով բեռնատարները դուրս էին բերվել Մոսկվայի «Ֆուդ սիթի» գյուղմթերքի շուկայից, քանի որ շուկան պատկանում է ծագումով ադրբեջանցի գործարարներ Գոդա Նիսանովին և Զարահ Իլիևին:
ՌԴ–ում Հայաստանի դեսպանությունը, «Տաշիր» ընկերությունների տնօրեն Սամվել Կարապետյանը և այլք խնդիրը արագ լուծեցին` բեռնատարների համար տեղ հատկացնելով այլ շուկաներում։