Ամերիկացի դերասան, Կալիֆոռնիայի նախկին նահանգապետ Առնոլդ Շվարցենեգերի մասնակցությամբ ավտովթար է տեղի ունեցել Լոս Անջելեսում, լուրը հաստատել է նրա մամուլի քարտուղարը, փոխանցում է BBC-ն
Լոս Անջելեսի ոստիկանությունը հայտնել է, որ չորս ավտոմեքենաների մասնակցությամբ տեղի ունեցած վթարի հետևանքով մեկ մարդ վնասվածքներ է ստացել։ Նշվում է, որ վթարի մասնակիցները չեն կալանավորվելու, բացառվել է թմրամիջոցների և ալկոհոլի հետ առնչությունը:
Շվարցենեգերը եղել է Yukon ամենագնացի ղեկին: Ականատեսների խոսքով՝ բախումն այնքան ուժգին է եղել, որ Yukon-ի անվտանգության բարձիկները բացվել են։