Սկանդալ Շվեդիայում. ադրբեջանցի առաքիչ է ձերբակալվել վարչապետի նստավայրի մոտ

հեղինակ - admin

Շվեդիայում լրջորեն անհանգստացած են պետական ​​բարձրաստիճան պաշտոնյաների անվտանգության և երկիրը ողողած կեղծ փաստաթղթերի խնդրով:  Դեպքերից մեկը, որը ստիպել է շվեդական հանրությանը ակտիվորեն քննարկել այս թեմաները, վերջերս ադրբեջանցի առաքիչի պատմությունն էր, ով ձերբակալվել էր Շվեդիայի վարչապետ Մագդալենա Անդերսոնի նստավայրի մոտ կեղծ վարորդական իրավունքով, գրում է  Aftonbladet-ը

«Այժմ արդեն հնարավոր է բացահայտել  վարչապետի տան պաշտպանության մասիննախկինում անհայտ տեղեկությունները»,- գրում են շվեդական լրատվամիջոցները։

Դեկտեմբերի 8-ին Մագդալենա Անդերսոնի տան պահպանության համար պատասխանատու ոստիկանները կանգնեցրել են առաքիչ վարորդին, ով պետք է ծանրոց հասցներ վարչապետին։ Ինքնությունը ստուգելուց հետո պարզվել է, որ տղամարդն օգտագործել է կեղծ վարորդական իրավունք»։

Aftonbladet-ի տրամադրության տակ հայտնված   ոստիկանական հաղորդագրությունում նշվում է, որ 36-ամյա տղամարդը Ադրբեջանի քաղաքացի է։ Այժմ նա մեղադրվում է ապօրինի  մեքենա վարելու և կեղծ փաստաթուղթ օգտագործելու համար։  Զեկույցում չի նշվում, թե որ առաքման  ընկերությունում է աշխատում ադրբեջանցին։ Հայտնի է միայն, որ նա Շվեդիայում է մեկ տարուց քիչ ավելի։ Ստոկհոլմի ոստիկանությունից հայտնել են, որ հետաքննությունը շարունակվում է, ուստի առայժմ ձեռնպահ կմնան լրացուցիչ մեկնաբանություններից։

Սակայն սա միակ տագնապալի միջադեպը չէ Շվեդիայի վարչապետի նստավայրում։ Դեկտեմբերի 21-ին ահազանգ է ստացվել երկրի պետական ​​անվտանգության ծառայությունում և ծնունդով Նիկարագուայից հավաքարարը, ով Շվեդիայում բնակության թույլտվություն չուներ, կրկին բերման է ենթարկվել տան մոտ։

Շվեդական հրատարակությունը հայտնել է, որ դիմել է Մագդալենա Անդերսոնին՝ խնդրանքով մեկնաբանել դեկտեմբերյան դեպքերը, սակայն վարչապետը հրաժարվել է պատասխանել այդ  հարցերին։

Լրատվամիջոցները գրում են, որ Շվեդիայում բավականին սուր է կեղծ անձնագրերի, նույնականացման քարտերի ու վարորդական վկայականների խնդիրը։ Կեղծ փաստաթուղթ գնելն այնքան էլ դժվար չէ։ Շվեդիայի ռուսալեզու բնակիչների ֆորումում բացահայտ առաջարկվում է գնել կեղծ փաստաթղթեր, իսկ դրանց արտադրության հետևում կանգնած են  հանցավոր խմբեր, որոնք մասնաճյուղեր ունեն ամբողջ Եվրոպայում։

Այլ Գրառումներ